यस प्रयोगशालाको मुख्य उद्देश्यहरु यस प्रकार छन:
(१) बीउ परिक्षण, बीउ वाली खेत निरीक्षण, बीउ प्रमाणीकरण विधिद्वारा बीउको गुणस्तर नियन्त्रण कार्यान्वयन गरी आम किसानहरुमा गुणस्तर युक्त बीउको सुनिश्चित गराई उत्पादन तथा उत्पादकत्वमा बृद्धि ल्याउन सहयोग गर्ने ।
(२) गुणस्तरीय बीउ उत्पादन प्रशोधन भण्डारण र बजार व्यवस्थापन सम्बन्धी तालिम तथा प्रचार प्रसार सेवा गर्ने ।
(३) विभिन्न बीउ उत्पादक संस्था, बीउ व्यवसायी, बीउ बिजन कम्पनी, निजी बीउ व्यवसायीहरुको बीउ भण्डारण निरीक्षण गर्ने र बीउको गुणस्तर ह्रास हुनबाट जोगाउन आवश्यक सेवा र सल्लाह दिने ।
(४) बीउ बजार निरीक्षण गरि विभिन्न बीउ उत्पादक संस्था तथा निजी बीउ व्यवसायीहरुबाट नमुना संकलन(खरिद) गर्ने र सो को परीक्षण गरी बीउको गुणस्तर कायम राख्न सहयोग पुराउने ।
(५) बीउ विजन निती २०५६, बीउ विजन ऐन २०४५ तथा बीउ विजन नियमावली २०६९ एवं यस अन्तर्गत लागु हुने बीउ विजन गुणस्तर नियन्त्रण निर्देशिका प्रभावकारी रुपमा लागु गर्न गराउन सहयोग गर्ने ।
(६) प्रदेशको बीउ विजन वासलात तयार गर्ने ।
(७) बिभिन्न बालिहरुको उन्नत जातहरुको प्रदर्शन तथा परीक्षण कार्य गर्ने ।